غش عيني عينك

اكيد لأنه في 5 اشارت كل اشارة 20 ثانية ..
اذن اشارتك لازم تكون 5 ضرب 20 = 100 .. 

^^ لاوالله بيتنا حنا تقريبا في الدخل وبتحديد عن نادي النصر لاكن عندنا في الشارع 3 اشارات ورغم كل هاذا تطول غش

المفروض يعكسون السالفه الحمراء 20 ثانيه والخضراء 100 ثانيه

^^ هههههه والله انك صادق

طيب طالما فيه غش مين فى نظرك بيسرق الوقت هههههههههه امزح معك

اشرح لك اخى الكريم وين اللعبة

فيه اشارات تكون بين شارع رئيسى وشارع فرعى او شارع معروف انه يمر به مثلا كل ساعة 1000 سيارة وشارع اخر يتقاطع معه يمر به 400 سيارة مثلا

فتجد فترة توقف الشارع الاكثر كثافة 20 ثانية واشارة خضراء 40 ثانية مثلا بينما الشارع الاقل كثافة تكون حمراء 40 ثانية وخضراء 20 ثانية وهكذا فالامر نسبة وتناسب على حسب كثافة السيارات فى الشارع

كلامك صحيح يارؤوف ..
وانا ملاحظ هالشيء

خلوني اطلق انشتاين اللي في داخلي هههه :)

تقعد 20 ثانيه خضراء و 6 ثواني صفراء و 6 ثواني تكون كل الاشارات حمراء عشان اللي جاي داعس و الاشاره سارت حمراء يقدر يقطعها وما تكون الاشارات الثانيه شغاله خضرا

20 ثانيه + 6 صفراء + 6 ما تشتغل الاشارات كلها = 32 ثانيه

32 ثانيه ضرب 3 = 99 ثانيه

علي بالحرام اني انشتاين ههههههههههههههههههه

وش رايكم في المعادله والنظريه هذي

تنفع ولا لا

ترا لما تولع عند الاشارة الاولى خضرا وتقعد 30 ثانيه الاشارة الثانية موشرط تقعد 30 ثانية يممكن 40 ثانيه والثالثه 20 ثانيه

وهكذا يعني تختلف الارقام في الاربع الاشاارات مو نفس الشيء

رؤوف كلامه اقنعني الصراحه 

بلا نظريه انشتانين ابو يزيد بلا خرابيط هههه

رؤوف جاب لك العلم الوكيد 

وتستاهلوا لايك

ابو يزيد اجل 32 ضرب 3 = 99 ؟ 

علي بالحرام انك من جنبها ههههههههههههه 

دعابة فحسب :)

ابو يزيد زود ٣ ثواني توصيه حق الحبايب 
انشششهد انكك اينشتاين حراج ولا يهونون المشرفين > واحد خايف ع عضويته هههههههههههههههههههه

المشكلة  لا جاك طريق سريع   و20  ثانية اشاره خضراء 
وبنفس مكان الاشاره  داخله حاره او شارع  عشرين وتجيك الاشاره 20 خضراء وتكفيهم 5 ثواني ودايم فاضيه ؟
هذا الي اشوفه  ظلم وغباء 

اي والله صادق بس هذا يعتمد علي الاشارات الثانية 

بعض الاشارات في الطرق الرئيسية اللي تكون دايم زحمة .. تلاقي 20 , 30 .. احس ما يكفي ..
وتحصل اشارة في حارة 50 وهي فاضية ومافيها احد .. هذي اللي من جد غش ههههههههههههه 

هههههههههههههه فاصلين كل أبوكم

بعض الاشارات فيها نظام ذكي 
اذا شافت الشارع الثاني فاضي والثالث مثله ومافيه اشاره عندها سيارات فتحت 

وهذي شفتها في اشارة طريق المدينة في الرياض واشارة تقاطع التحلية مع التخصصي

احيانا اذا ولعت وجت سيارة مسرعة في نفس المسار وباقي الاشارات فاضية فتحت عشان ما تسبب ربكه للمسرع


وعموما عداد الوقت الي عند الاشارة على حسب الشارع 

اول رد ..... دافور ههههههههههههههههههههههههههههههههههه