أضف سؤال أو موضوع جديد          

رايكم انفينيتي Q50

up 3 down 7
ez-gadget 223
قبل 4 سنه



السلام عليكم 
وأسعد الله جميع اوقاتكم بكل خير

لي فترة ادور سيارة سيدان متوسطة الحجم (اهم شي دفع خلفي)
واستقريت على الانفينيتي Q50 ستاندر موديل ٢٠١٨ عند الغسان

مكينة ٤ سلندر تيربو
مصنفة كممتاز باستهلاك الوقود ولكن للأسف بنزين ٩٥

التغير اللي صار بـ٢٠١٨
شكل الجنوط
تصميم الصدام الامامي
وبعض اللمسات البسيطة

السعر ١٥٤ ألف ريال شامل ضريبة القيمة المضافة

فياليت اللي جرب هالسيارة يعطينا رايه؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابعد عن الانفينيتي قطعها غالية جداااااا وماتجيب شي عند البيع 

بالنسبة للبنزين معلومة للجميع اي ماكينة تيربو لازم بنزين ٩٥حصريا


up 3 down 2
benz lover -75
قبل 4 سنه



تشتري سيارة سيدان ب١٥٤ الف و تدور التوفير في البنزين !!!!


up 5 down 2



الاخ benz lover
اشكرك على الرد بس للتوضيح رايك بناءً على تجربة للسيارة؟


الاخ 1405
انا كل اللي قلته للأسف بعد ما امتدحت تصنيف السيارة في بطاقة كفاءة الطاقة

لكن بما انك اثرت الموضوع فأضف لمعلوماتك التالي:
سعة تانكي البنزين في الانفينيتي ٧٥ لتر
يعني بحسبة بسيطة في كل مرة اعبي البنزين فل! الفرق بقيمة تعبئة الـ٧٥ لتر بين بنزين ٩١ وبنزين ٩٥ بحدود الخمسين ريال

واذا افترضنا اني اعبي كل ٦ ايام راح يكون الفرق بالشهر ٣٠٠ ريال
يعني بالسنة ٣٦٠٠ ريال

اذاً ٣٦٠٠ ريال فرق بالسنة بين لو كنت اعبي ٩٥ او ٩١
واعتقد انه فرق محرز حتى لو كانت قيمة السيارة اكثر من ١٥٤ ألف

شكراً


up 4 down 0
ez-gadget 223
قبل 4 سنه



* للتصحيح اعبي كل خمس أيام


up 0 down 2
ez-gadget 223
قبل 4 سنه



انا لو مكانك اخذ مستعمل من عندهم اذا الفرق مو واضح 
المستعمل تحصله على ٩٠ و٩٥ 


up 0 down 2
king 191919 -10
قبل 4 سنه



راي جميل اخوي king اشكرك

لكن مبدئياً تركيزي على السيارة نفسها من عدة نواحي مثل الاعتمادية والقوة والراحة والعزل ... إلى آخره. 




up 1 down 0
ez-gadget 223
قبل 4 سنه



اخوي انت باين مقتنع كليا بالسيارة اشترها وخلاص راي الشباب مابفيد شي نصحناك حنا والحرية لك عن نفسي ما ادفع ١٥٠ بانفينيتي ٤ سلندر


up 0 down 1
benz lover -75
قبل 4 سنه



لو تشوف لكزس IS 200 T
تيربو و معروف و ارخص شوي ب١٣٥ خليجي
مع ان حسافه يروح مبلغ زي كذا على سيارة سيدان و اربع سلندر

شوف لك جيب كروس اوفر انفنتي او لكزس RX


up 0 down 4



انفينتي قوي جدا وممتعة بالقيادة لدرجة انك تطقطق على معضم السيارات من ناحية التسارع كانت عندنا fx50s شرينها 249 وبعناها بعد 6 سنوات ب 40 الصيانة لزم صيانة دورية عشن ماتفاجك بأي خراب وبالإخير سيارة اغلبها حساسات وكهرب لزم تحافظ عليها عشن تدوم معك


اخوي benz lover
انا صحيح معجب بالسيارة
لكن ماعندي قناعة كاملة لحد الان وبالتالي كتبت هالموضوع استشير فيه من له تجربة او عالأقل معرفة جيدة بهالسيارة وانت وباقي الاخوان مشكورين و ماقصرتوا الله يعطيكم العافيه بس لازلت انتظر احد اقتنى هالسيارة لفترة وعرف مميزاتها وعيوبها

الاخ ١٤٠٥
الـIS200T من لكزس منطقياً خيار ممتاز جداً لكن يعيبها حجمها الصغير جداً 

طيب
اسمحوا لي ابشطح شوي

فيه خيار ثاني
وهو المكسيما SV
اكبر واوسع وانشط وارخص بحدود خمسين ألف!!! واكثر مميزات ... إلى آخره. 

لكن يعيبها بالنسبة لي ٣ اشياء:
الأول انها دفع امامي
الثاني انها شبابيه وانا ابو عيال وشارفت على سن الاربعين


up 1 down 1
ez-gadget 223
قبل 4 سنه



طبعاً اتكلم عن مكسيما وكالة  ٢٠١٧


up 1 down 1
ez-gadget 223
قبل 4 سنه



شوف الانفينيتي سيارة راقية ومميزة وهي القسم الفخم من نيسان. لكن قطع غيارها غالية و سعرها يطيح عن البيع والسيارة حساسة نوعا ما. انا عندي اقتراحين علشان تقارنهم وتشوف الاختلافات فيهم نفس المواصفات دفع خلفي و 4 سلندر تيربو و شكل جديد وشبابي. 1- كيا ستنجر 2- جينيسس جي 70
طبعا من ناحية قطع الغيار لا تخاف ابدآ, و عملية وفيها ضمان و صيانة مجانية لل 100 الف. والسعر تقريبا اقل بفرق بسيط.


up 1 down 2
dell2012 1043
قبل 4 سنه



سيارة جميلة صراحه . خاصة 2018


up 1 down 2
الناصر123 -1
قبل 4 سنه



بما انك تحب الدفع الخلفي ومتعة القيادة ليه متاخذ نظره
على السوبارو ليجاسي ستة سلندر دفع رباعي عزم ومتعة وثبات خرافي وعليها حاليا ضمان ٣ سنوات وصيانه مجانية الى 60 الف
الدفع الرباعي فيها مستمر الى بعد 80 كيلوا مو مثل بعض السيارات
مكينه بوكسر هادئه ومركز ثقل السيارة وثبات بسبب انخفاض المحرك سعرها بحدود 110 الف السته سلندر



up 1 down 1



من تجربة .. السيارة اقتصادية جدا جدا التانكي يمسيك ٧٠٠ كيلو وفيها نظام تطفي عند الإشارة لتوفير البنزين . عزمها قوي وانصحك تبحث عن مستعمل نظيف بيكون فرق السعر كبير . ومبروك مقدما


up 1 down 0
abofarah 1080
قبل 4 سنه



حياك الله ابوفرح

كم موديل اللي معك وكم سلندر؟

وكيف العزل والرساوة؟


up 2 down 1
ez-gadget 223
قبل 4 سنه



الماكسيما 2017 بديل ممتاز للإنفينتي وخاصة لو كانت الماكسيما فل كامل .. وصرفيتها للوقود أفضل من صرفية السوناتا و الأوبتيما


up 0 down 1
abb20 53
قبل 4 سنه



اللي عندنا 2015 4 سلندر السيارة لاخوي وليست لي ، العزل اعتبره جيد جداً ولايوصل مستوى اللكزس حتى صوت المكينة واضح داخل المقصورة واعتبره نوعاً ما مزعج . اما الرساوة فغالبية سيارات انفنتي ثباتها عالي


up 0 down 2
abofarah 1080
قبل 4 سنه



يعطيكم العافية جميعاً كفيتوا ووفيتوا



up 0 down 0
ez-gadget 223
قبل 4 سنه



معي ٢٠٠٩ جي مشيتها ٣٠٠ الف ماشاءالله بدأت تطلب بعد ٨ سنوات و لمن اهملتها اما ال٨ سنوات كان مريحتني رساوة وفخامة وعزل وحمار كرف
والان بإذن الله بغير واخد انفينيتي
قطع غيارها عن تجربة بعضها ارخص من النيسان ومعقولة جدا


up 0 down 0
raed abdullfatah
قبل 3 سنه و 4 شهر